(...)A Rosalía Trasulfe llámenla Cabuxa Tola porque ye mui descarada, lo fué siempre. Rosalía Trasulfe desabotonó l´escote, quedó coles dos tetes fuera y dixo-y al muertu qu´andaba matando homes: venga, mame, a mi nun me importa, lo que quiero ye seguir viva. Y agora diz: d´estes tetes mamó el muertu, ye verdá, y por otres partes del mio cuerpu tamién anduvo, pero la que ta viva soi yo y amás llaveme too bien llaváu, llaveme les tetes y el coño y hasta la voluntá. ¡Presta abondo oyila!

Mieu de ver una patrulla policial parase delantre mio casa.
Mieu de quedame durmiu pela nueche.
Mieu de nun poder durmir.
Mieu de que el pasáu torne.
Mieu de que el presente tome vuelu.
Mieu del teléfonu que suena nel silenciu de la nueche muerta.
Mieu a les tormentes eléctriques.
Mieu a la muyer del serviciu que tien una cicatriz nel papu
Mieu a los perros anque me digan que nun muerden.
¡Mieu a l´ansiedá!
Mieu a tener que identificar el cuerpu d´un collaciu muertu.
Mieu a quedame ensin perres.
Mieu de tener muncho, anque seya dificil de creyer
Mieu a los perfiles psicolóxicos.
Mieu a llegar tarde y de llegar enantes que cualquiera.
Mieu a ver la escritura de los mios fios na tapa d´un sobre.
Mieu a velos morrer enantes que yo, y sentime culpable
Mieu a tener que vivir con mio ma durante la so vieyera y la mía.
Mieu a la confusión.
Mieu a que esti díi fine con una nota triste.
Miue a despertame y ver que colaste.
Mieu a nun amar y mieu a nun amar demasiáu
Mieu a que lo que ame sea malu pa los que yo amo.
Mieu a la muerte.
Mieu a vivir demasiáu tiempu
Mieu a la muerte.

Eso ya lo dixe

Otru añu más entama el festival de Cine de Xixón

Calendariu pelis:

http://www.gijonfilmfestival.com/media/descargas/CALENDARIO08.pdf

Conciertos:

Xueves20 -Sala Acapulco (Casino de Asturias) - Barry Adamson Band
Vienres 21 -Sala Albéniz - Remate + Lady Bug Transistor
Sábadu 22 -Feria de Muestras de Asturias - Miss kittin & The Hacker
Sábadu 22 – Savoy – MyStereo + Blackhorde
Domingu 23 -Gato tuerto – Julio de la Rosa (El hombre burbuja)
Llunes 24 -Sala Acapulco (Casino de Asturias) - Dr. Explosion + The Tiky Boys
Martes 25 -Sala Acapulco (Casino de Asturias) - Russian Red + Manos de Topo
Miércoles 26 -Sala Acapulco (Casino de Asturias) - The Pinker Tones
Xueves 27 -Sala Acapulco (Casino de Asturias) - Los Coronas + Kings of Makaha
Vienres 28 -Sala Albéniz - The Cabriolets + Nubla
Sábadu 29 -Sala El Jardín – Peace Division

Que vos preste!

La fotografía ye un artificiu, resultáu de circunstancies técniques pero tamién ye reproducción de modelos visuales y convenciones sociales de la percepción. Na so obra fotográfica, Thomas Ruff revélase escontra la idea de la reproducción de la realidá. El puntu de partida de les sos fotografíes, concebíes como series, son les sos propies tomes, pero tamién material esternu. Asina "Zeitungsfotos, 1990-1991" ye un archivu de recortes de prensa gráfica que, ensin pie de testu esplicativu, queden reducíos al so propiu grafismo. Na serie "Nudes", Ruff retoma la tradición del desnudo en fotografíes con escenes pornográfiques obeteníes de Interné y alteraes dixitalmente.

"el llinguaxe de la pornografía mantiense pese a los retoques y la falta definición"

Significante flotante, Leticia González, 2007

(...)La fotografía, representa esi momentu tan sutil nel que, a decir verdá, nun soi nin suxetu nin oxetu, sinon más bien un suxetu que siéntese oxetu: vivo entós una microesperiencia de la muerte (del paréntesis): tresfórmome asina nel espectru. El fotógrafu ye perfeutamente consciente, y él mesmu tien mieu (anque namás fuera por razones comerciales) d´esta muerte na cual el so xestu va a embalsamame. Nada sedría más graciosu (si ún nun fuera la víctima pasiva, el plastrón, como dicía Sade) que les contorsiones de los fotógrafos pa “facer vivo”: probes idees: me faen salir (“fuera” ye más “viviente” que “dientro”) (...)El fotógrafu tien que lluchar tremendamente pa que la fotografía nun seya la Muerte. Pero yo, oxetu ya, nun llucho. D´esta pesadiella espertaré inda más duramente, pues nun sé que fae la sociedá de la mio foto, que llee n´ella (hai munches llectures d´un mesmu rostru) pero nesta operación, veo que acabé de convertime en imaxe (too-imaxen) la muerte en persona; los otros-el otru- me faen lliberame de mí, faen de mí, un oxetu, tiénenme a la so disposición(...)

 Ajuar, Leticia González. 2008

Hai un llugar.
Dicen qu´hai un llugar.
Un llugar más fondu la Tierra
onde l´amor ye tan tresparente
como un llaberintu de lluz.

Asina qu´escaez los tos pasos,
la pesada carga ta ehí
onde los crisantemos podrecen ún a ún.

¿Cuántes veces vas buscame la boca
pa decime lo que yá, de tan repetío,
nun ye más qu´infantil
xeometría cola que columbiase?

L´amor yá volverá col agua l´inviernu.
Y, si non,
pal añu que venga.