Pola mio parte, nun tenía munches ganes de entamar una conversación con una moza nun bar; xeneralmente estos intercambios, demasiáu centraos na naturaleza y el coste del serviciu sexual por venir, suelen ser decepcionantes...
Michel Houellebecq "Plataforma"
Leticia González. 2009
Robert Frank, Los americanos,Butte Montana
Suañé que vivía nun llugar ensin casa Perdíu y solu andaba yo La xente mirábame ensin veme nel espaciu Y pasaben de llargo con güeyos de piedra
Allen Ginsberg
¿Son les ciudaes contemporanees como los aeropuertos contemporáneos, “son toes iguales”? ¿Ye posible teorizalo? Y si ye asina, ¿a cuala configuración aspiren? Esto namás ye posible si se-yos quitara tola identidá. Esto suel vese como una pérdida. Pero na escala na que se produz, significa daqué importante. ¿cales son les ventaxes de la identidá, y al revés, cuales son les ventaxes de la vacuidá? ¿y si esta homoxeneización accidental y toles veces marxinada, fuera un procesu intencional, un movimientu consciente de alexamientu de la diferencia y l´averamientu a la similitú? ¿Y si tamos siendo testigos d´un movimientu de lliberación global: “fuera el caráuter” ¿que ye lo que queda si nos quiten la identidá? ¿¿lo xenérico??
La ciudá xenérica. Rem Koolhaas
¿Ye el llugar que ocupo como suxetu del significante en rellación col que ocupo como suxetu del significáu concéntricu o escéntricu? Esta ye la cuestión.
Nun se trata de saber si falo de mí mesmu de manera conforme a lo que soi, sinon si cuando falo de mí, soi el mesmu qu´aquel del que falo.
Nin se te ocurra podría matate, nun prendas la lluz, déxame a escures, nel mesmu momentu nel que un home acepta, y acepto, que necesita, necesito amor, cola polla na manu, dempués de too, cola polla na manu y el coral na otra, col vacíu, col vacíu que facete almitir too, nel que comprendí que te follaría pol coño, pero hasta el corazón, que te lo diga otru, quedaría-y bonito, pero nun será verdá. Follaríate el coño, el cerebru, el corazón y l´alma.
Pero vós siguís cola mesma zuna
d´esperar peles nueches al rescamplíu primeru
del alba
d´amatagavos tres lluz de faroles
caleciendo n´alcohol dañibles esperances.
Col llocu vagamundiar
del tiempu de vagar, siguís col mesmu enfotu
n´atopar un día
l´amor
Sicasí, agora llueve, y el cruciar la cai
ye un actu d´ausencia como otru cualquiera.
Tags
Esbilla
del.icio.us