Hai un llugar.
Dicen qu´hai un llugar.
Un llugar más fondu la Tierra
onde l´amor ye tan tresparente
como un llaberintu de lluz.

Asina qu´escaez los tos pasos,
la pesada carga ta ehí
onde los crisantemos podrecen ún a ún.

¿Cuántes veces vas buscame la boca
pa decime lo que yá, de tan repetío,
nun ye más qu´infantil
xeometría cola que columbiase?

L´amor yá volverá col agua l´inviernu.
Y, si non,
pal añu que venga.

Había un llugar gris, una impresión de fines pantalles que
se movíen, muaré, graos de semitonos xeneraos por un
cenciello programa de gráficos. El planu prollongáu d ´una
toma vía satélite; gaviotes inmovilizaes al vuelu sobre
agues oscures. Había voces. Había una llanura que inclinabase, y él yera mercuriu, una gota de mercuriu que deslizábase, golpíandose nos requexos d´un llaberintu invisible, fragmentándose, xuntándose,
resbaliando...

Cuando ella me dixo que ficiera l´amor
con otru, na vieya cabina telefónica d´aquel
Almacén de la Tepeyac, creyí que´l mundu
finaba. Un tipu altu y flacu y
col pelu llargu y una verga llarga que nun esperó
más d´una cita pa penetrala hasta´l fondu.
Nun ye nada seriu, dixo ella, pero ye
la meyor manera de sacate de mio vida.
Parménides García Saldaña tenía el pelu llargu.
Pudieron ser amantes, pero dalgunos
años dempués supe que morriera nuna clínica psiquíatrica.
O que se suicidara. Ella ya nun quería
acostase con perdedores. A vegaes suañu
con ella y véola feliz y fría nel Mexico
diseñáu por Lovecraft. Escuchamos música
(Canned Hear, ún de los grupos preferíos
De Parménides García Saldaña) y llueu ficimos
l´amor tres veces. La primera se vino dientro de min
La segunda se vino na mio boca y la tecera, namás un filo
d´augua, un cortu filu de pescar, ente los mios pechos. Y too en
dos hores, dixo. Les dos peores hores de mio vida,
dixe dende l´otru llau de la llinia telefónica

Nes nueches d’avientu, mientres la xelada
manga sábanes blanques nes llunes de los coches
la xente busca’l calor de les cafeteríes de pueblu
y sentao al rodiu de ceniceros de propaganda de Mahou
diserta de la vida de los otros.
Los fechos y decires
d’un mundu de persones conocíes
van como representándose nes serviyetes de papel
que salen adulces de los colloraos serviyeteros de propaganda de Mahou.
Les llingues humedecen el papel finu de les serviyetes
col que se mazca la desgracia, y tamién
la boca como ratu caliente de les botelles de Mahou
ye conductu pel que sumen otros amores, pasaos y presentes.
Dacuando marca un gol el Real Madrid
y les tiestes de los homes orbiten contra l’arcu de la tele
onde otros sunormales lo celebren.
Delles veces ye la paisana o moza qu’entra aterecía la que gravita
nes palabres del coru griegu que calez la Mahou.
Cuando falen de mi, mientres la xelada
fai encoyese arriba nos teyaos a los gurriones
tamién hai un oriciu flotando nel interior de cada botella de Mahou
y cada aguya del oriciu ye un cachu de la mio carne.
Depués, solos o en pareya, caún camina en direición a la so casa
ordenadamente, onde, nel sofá
contempla les histories de los médicos, abogaos o policíes de les series.
Les cafeteríes solitaries
colos sos carteles pseudoartísticos de Mahou colingando a la entrada
queden entós desiertes como les calles de pueblu que les arrodien.
Dientro, na pantalla, pasaron a publicidá los babayos de Telecinco
y ponen un anunciu de Mahou nel que bailen
la danza d’una traxedia les moces medio en porriques
mientres la xente, los d’enfrente, cola suya cotidiana a recostines
piensa no que comprar o en dir a echase, non mui tarde
pa siguir bien al otru día, nuevamente
como camaleón vueltu al color del güevu o vientre maternu
al par que’l xelu va diliendo, l’espectáculu.

Cuando Klimt conoció a Judith cantába-y densde les atures:
Casi siempre pienses n´otru. Casi siempre toi al otru sen
pero agora un pechu, otru pechu y tas debaxo debaxo del Asesín de cantantes.
Nunca atopamos mou sanu de seguir xuntos;
yo conformábame col voyeurismo y les llamaes,
tú atechábaste del alcohol nes filies perverses del artista.
Casi siempre…-mentira- siempre pensé n´otra cuando te besaba la

neso consiste el virus del espeyu.
“Tengo un cartucho y una tarde llibre: yo o él, escueyi”.

Quédenme por probar tres coses como plan últimu d´escaeceme de ti.
Una d´elles incluye aceite de cocu y una enana,
la segunda un gangbang inversu,
asina que piensa nun remediu rápidu enantes de qu´allorie dafechu

asesíndecantantesasesíndecantantesasesíndecantantesasesíndecantastes

Suañé contigo esta nueche
desfallecíaste de milenta maneres
y murmurabes tantes coses...
Y yo asina comu se llambe una fruta
besábate con tola boca
un pocu per toles partes, monte, valle y llanura.
Yera d´una llasticidá
d´un resorte almirable:
Dios...¡que aliendu y que cintura!
y tú, mio neña, por la tu parte,
que cintura, que aliendu
y que llasticidá de gacela...
Al espertar foi, nos tos brazos
más aguda y más perfeuta
xustamente la mesma fiesta.