Leticia González. 2009

La fotografía ye un artificiu, resultáu de circunstancies técniques pero tamién ye reproducción de modelos visuales y convenciones sociales de la percepción. Na so obra fotográfica, Thomas Ruff revélase escontra la idea de la reproducción de la realidá. El puntu de partida de les sos fotografíes, concebíes como series, son les sos propies tomes, pero tamién material esternu. Asina "Zeitungsfotos, 1990-1991" ye un archivu de recortes de prensa gráfica que, ensin pie de testu esplicativu, queden reducíos al so propiu grafismo. Na serie "Nudes", Ruff retoma la tradición del desnudo en fotografíes con escenes pornográfiques obeteníes de Interné y alteraes dixitalmente.

"el llinguaxe de la pornografía mantiense pese a los retoques y la falta definición"

(...)La fotografía, representa esi momentu tan sutil nel que, a decir verdá, nun soi nin suxetu nin oxetu, sinon más bien un suxetu que siéntese oxetu: vivo entós una microesperiencia de la muerte (del paréntesis): tresfórmome asina nel espectru. El fotógrafu ye perfeutamente consciente, y él mesmu tien mieu (anque namás fuera por razones comerciales) d´esta muerte na cual el so xestu va a embalsamame. Nada sedría más graciosu (si ún nun fuera la víctima pasiva, el plastrón, como dicía Sade) que les contorsiones de los fotógrafos pa “facer vivo”: probes idees: me faen salir (“fuera” ye más “viviente” que “dientro”) (...)El fotógrafu tien que lluchar tremendamente pa que la fotografía nun seya la Muerte. Pero yo, oxetu ya, nun llucho. D´esta pesadiella espertaré inda más duramente, pues nun sé que fae la sociedá de la mio foto, que llee n´ella (hai munches llectures d´un mesmu rostru) pero nesta operación, veo que acabé de convertime en imaxe (too-imaxen) la muerte en persona; los otros-el otru- me faen lliberame de mí, faen de mí, un oxetu, tiénenme a la so disposición(...)

Andreas Gyrsky ye un fotógrafu de la "era de la globalización": dende mediaos de la década de 1980, los sos temes son los puertos y aeropuertos; interiores de bolses de valores; industries; "actores globales"; asina como fetiches comerciales fabricaos por marques internacionales del mundu la moda. La producción limítase a unes diez semeyes al añu. Gursky dedícase a facer imáxenes úniques que pueden combinase en series de trabayos basaos nel mesmu tema. Les sos fotografíes planteen la cuestión del papel del individuu nas redes económiques y culturales del mundu. Los seres preséntense nun estáu gregáriu de masa o como abstracciones casi decoratives: en fiestes rave, conciertos rock...

En 1978 Cindy Sherman entamó la serie fotográfica "Untitled Film Stills". Nas imáxenes de pequeñu formatu en blancu y negru, Sherman desempeña un papel distintu -oficinista, ama de casa d´una zona residencial, guapa femme fatale- ye una puesta en escena minuciosa y psicolóxicamente intensa. Anque ye el únicu personaxe de la semeya, la tresformación en cada imaxen ye tan completa que la so identidá personal desaparez ya nun ofrez una serie d´autorretratos, ofrez un repertoriu completu d´estereotipos femeninos del sieglu XX.