El monxu xunto al mar. C. Friedrich

 Naide puede toma-y a otru el so morrer. Cabe, si, que dalguién "vaya a la muerte  por otru", pero esto quier decir siempre: sacrificase pol otru nunca nun ye cosa determinada. Tal "morrer por..."nunca nun puede significar que con él se-y tome al otru lo más mínimo de la so propia muerte. El morrer ye algo que cada "ser ehí" tien que tomar nel so casu, so si mesmu. La muerte ye, na medida na que "ye", esencialmente en cada casu, la mía. Y significa una "sui generis" posibilidá de ser na que(-y) va pura y simplemente el ser del "ser ehí" peculiar en cada casu. Nel morrer, muéstrase que la muerte ta constituida ontolóxicamente pol "ser en cada casu míu" y la esistencia. El morrer nun ye un fechu dau, sinon un fenómenu que hai que comprender esistencialmente".

Del ser y el tiempu

Juan Barjola

Mandé movimientos a les mios piernes y pies. Conozolos tan bien que pude sentir l´esfuerzu que fecíen pa obedeceme. Viví con ellos el curtiu espaciu tiempu que ye´l drama, ente el mensaxe recibíu y la repuesta atristayada. A los perros vieyos llega-yos la hora na que al oír el silbíu del amu que marcha d´alborada, col bastón na mano, ya nun pueden llanzase tres d´él. Entos queden na caseta, o nel cestu, anque nun ten ataos, y escuchen unos pasos que marchen. Tamién el home ta triste. Pero l´aire llibre y el sol consuelanlo y hasta la nueche nun s´alcuerda del so vieyu amigu. Les lluces de la casa dan-y la bienvenida y un débil lladríu obliga-y a decir, Ya ye hora de sacrificalu.

(...) un esfuerzu d´atención revelaríame que nun hai efeutu, representación, nin voluntá que nun cambie en too momentu; si un estáu del alma parase de camudar, la so duración pararía de trescurrir. Garramos el más permanente de los estaos internos, la perceición visual d´un oxetu paráu. L´oxetu permanez idénticu y yo puedo miralu dende el mesmu llau, baxo el mesmu ángulu, cola mesma lluz: la visión que d´él tengo nun difier por ello menos de la qu´acabo tener, anque nun fuera más que porque la visión avieyeció un instante. Ehí tá la memoria, qu´ inxerta la cosa pasada nel presente. El mio estáu del alma, al avanzar na ruta´l tiempu, crez continuamente cola duración que recueye, por decilo asina, fae una bola nieve con él mesmu.

 Memoria y Vida  Henri Bergson

- colos güeyos Gilles Deleuze -

                                                                          P.Rubio o Sexual heading

La muyer habita la cultura patriarcal en tanto que significante pal otru masculín, golpíada por un orden simbólicu nel que´l home suelta les sos fantasíes y obsesiones a traviés de órdenes llingüistiques que impón sobre la callada imaxe de la muyer, que permanez encadenada al so llugar como portadora de sentíu, non como productora del mesmu.

Laura Mulvey

Vivir, nun foi fácil nunca. Seguimos faciendo les coses que la esistencia pide por munches razones, la primera d´elles ye la costume. Morrer voluntariamente supón que reconocimos, anque fora instintivamente el rídiculu d´esa costume.

"El mito de Sísifo"  Albert Camus

¿Son les ciudaes contemporanees como los aeropuertos contemporáneos, “son toes iguales”? ¿Ye posible teorizalo? Y si ye asina, ¿a cuala configuración aspiren? Esto namás ye posible si se-yos quitara tola identidá. Esto suel vese como una pérdida. Pero na escala na que se produz, significa  daqué importante. ¿cales son les ventaxes de la identidá, y al revés, cuales son les ventaxes de la vacuidá? ¿y si esta homoxeneización accidental y toles veces marxinada, fuera un procesu intencional, un movimientu consciente de alexamientu de la diferencia y l´averamientu a la similitú? ¿Y si tamos siendo testigos d´un movimientu de lliberación global: “fuera el caráuter” ¿que ye lo que queda si nos quiten la identidá? ¿¿lo xenérico??

La ciudá xenérica.  Rem Koolhaas

¿Ye el llugar que ocupo como suxetu del significante en rellación col que ocupo como suxetu del significáu concéntricu o escéntricu? Esta ye la cuestión.

Nun se trata de saber si falo de mí mesmu de manera conforme a lo que soi, sinon si cuando falo de mí, soi el mesmu qu´aquel del que falo.

La fe ye un absurdu.  El so significáu ye de lo más improbable, irracional, y fuera del alcance de cualquier argumentu...Supongamos que dalguién decide que quier tener fe. Sigamos con esta comedia. Quier tener fe pero, al mesmu tiempu, quier tar seguru de que ta dando un pasu correutu, asina que se propón una investigación oxetiva sobre la posibilidá de que té realmente no correuto. ¿que pasa entós? Por mediu d´esa investigación oxetiva sobre la probabilidá, l´absurdu devien n´algo distinto: Vuélvese probable, vuélvese cada vez más probable, estremadamente probable, totalmente probable. Esta persona ta llista pa creyer y se diz a sí mesmu que nun cree de la mesma manera que los homes corrientes, como zapateros y sastres, sinon que cree dempués de pensar tol asuntu y comprender la so probabilidá. Agora si ta llistu pa creyer. Pero equi tá el tema, y ye que n´esti instante resulta-y imposible creyer. Dalgo que ye casi probable, o probable, o estremada y totalmente probable ye dalgo que puede casi conocer, o prácticamente conocer o estremada y totalmente conocer; pero no que ye imposible creyer. Pues l´absurdu ye´l oxetu de la fe, y l´únicu oxetu que puede ser creíu.