Andres Alonso Moutas / Leticia González

A fin d´entender el "quid" del minimalismu debemos re-situalo nel so propiu tiempu. Pa facelo podemos yuxtaponer el minimalismu y l´arte pop como respuestes afines al mesmu momentu na dialéctica de la modernidá y la cultura de mases. Nesta esplicación el minimalismu y el pop tan enfrentaos, por una parte, a les rarificaes belles artes de la tardo-modernidá y, por otra, a l´espectacular cultura del capitalismu avanzáu, y nun tarden en ser aplastaos por estes fuercies. El pop puede intentar usar la cultura de mases pa poner a prueba a les belles artes, pero el so efeutu dominante ye elevar lo inferior a lo superior, dos categoríes artístiques que siguen intactes. Y el minimalismu puede resistise tanto a les belles artes como a la cultura inferior a fin de recuperar l´autonomía transformatoria de la práutica estética, pero el so efeutu dominante ye permitir qu´esta autonomía se disperse por el campu espandíu de la actividad cultural. Nel casu del pop, pues, alcánzase la lexendaria integración ente les belles artes y la cutura inferior, pero principalmente nel interés de la industria cultural, pa la que, con Warhol, y otros, la vanguardia camudase en subcontratista y antagonísta. Nel casu del minimalismu, alcánzase la lexendaria autonomía del arte, pero principalmente pa ser corrompía, desfecha...

Hall Foster "El retorno de lo Real" Madrid, Akal, 2001

“(…) esos códigos y conductes qu´unu podía escoyer como puntos d´orientación estables y polos cuales yera posible guiase, escasean munchu anguaño. Eso nun implica que los nuesos contemporáneos, sólo ten guíaos pola so propia imaxinación, nin que puedan decidir a voluntá como construyir un modelu de vida, nin que ya nun dependan de la sociedá pa consiguir los materiales de construcción o planos autorizaos. Pero sí implica que, nesti momentu, colamos de la época de los “grupos de referencia” preasignaos pa desplazanos hacia un momentu de “comparanza universal” na que el festín de la llabor de construcción individual ta endémica e irremediablemente indefinía, nun vien dao d´antemano y tiende a pasar per munches y profundes modificaciones enantes d´alcanzar el so únicu fin verdaderu: el fin de la vida del individuu.”

Tola duplicidá del arte contemporaniu ye esto: reivindicar la nulidá, la insignificancia y el sinsentiu. Quien ye nulu, busca la nulidá; el que ye insignificante, búsca el sinsentiu.
Naguar pola superficialidá en términos superficiales.

Esti testu ye del añu 1996, fae más de diez años que Jean Baudrillard publicó "el complot del arte" nel periódicu Libération.

La xente nun entiende a Warhol, como nun entiende a Duchamp, como nun entiende aquello que nun "reconoz", "l´arte namás lu entienden los artistes." (dalgunos artistes)

Anque nun dexa de ser paradóxicu que si se entiendan les abstaciones cubistes de Picasso y nun se entienda "la fuente" o "Marilyn".
Y digo yo, ensin entender a Duchamp o a Warhol...pa que vamos falar del arte comtemporaniu.

parezme absurdo.