En medio'l salón teníen un andamiu d'obra en rosa

onde amarraben lo mesmo a chaperos qu'a muyeres especiales. Captaron a una amiga

y lleváronla a la casa d'aquel salón, una nueche entera.

Llueu entrugamos por detalles, el tamañu de la fusta, cuánta presión facíen les esposes.

Sí, contestaba

y depués, depués de soltar la carnaza repetida que se sintió cómoda con cada golpe,

qu'apreció'l poder falar de coses importantes

como la lleche, la matriz, el nazismu.

 

 

A Leticia.

El monxu xunto al mar. C. Friedrich

 Naide puede toma-y a otru el so morrer. Cabe, si, que dalguién "vaya a la muerte  por otru", pero esto quier decir siempre: sacrificase pol otru nunca nun ye cosa determinada. Tal "morrer por..."nunca nun puede significar que con él se-y tome al otru lo más mínimo de la so propia muerte. El morrer ye algo que cada "ser ehí" tien que tomar nel so casu, so si mesmu. La muerte ye, na medida na que "ye", esencialmente en cada casu, la mía. Y significa una "sui generis" posibilidá de ser na que(-y) va pura y simplemente el ser del "ser ehí" peculiar en cada casu. Nel morrer, muéstrase que la muerte ta constituida ontolóxicamente pol "ser en cada casu míu" y la esistencia. El morrer nun ye un fechu dau, sinon un fenómenu que hai que comprender esistencialmente".

Del ser y el tiempu