Joseph Kosuth, Art as Idea, as idea. 1968

"La "lliteratura" nun ye nin un conceutu producíu, nin un oxetu real, ye propiamente un oxetu ideolóxicu, formáu como tal pol discursu metallingüísticu."

A. V.

"Les obres d´arte son propuestes analítiques. Si son vistes dientro del so contestu - como arte - nun proporcionen nengún tipu d´información sobre nengún fechu. Una obra d´arte ye una tautoloxía por ser una presentación de les intenciones d´un artista, l´artista ta diciéndonos qu´aquella obra concreta, ye arte, y ye una definición del mesmu arte. Por eso ye que l´arte ye una verdá a priori (que yera precisamente lo que Judd , o Duchamp, queríen decir al constatar que "si dalguién diz que daqué ye arte, ye arte"

Joseph Kosuth

"Sthepen Dédalus, que fuera educáu polos jesuitas y sentíase polo tanto atraíu pola casuística, planteábase problemes del tipu de: ¿Valdrá el bautismu con agua mineral? ¿si se roba una libra y d´ella se fae fortuna, hai obligación de devolver la fortuna entera? Y aplicando esta casuística a la estética, preguntaba: ¿si un paisanu que rompe d´un arrebatu un cachu maera y fae ensin querelo la imaxe d´una vaca, esta imaxe ye una obra d´arte? y si nun lu ye, ¿por qué?"

James Joyce

(...)A Rosalía Trasulfe llámenla Cabuxa Tola porque ye mui descarada, lo fué siempre. Rosalía Trasulfe desabotonó l´escote, quedó coles dos tetes fuera y dixo-y al muertu qu´andaba matando homes: venga, mame, a mi nun me importa, lo que quiero ye seguir viva. Y agora diz: d´estes tetes mamó el muertu, ye verdá, y por otres partes del mio cuerpu tamién anduvo, pero la que ta viva soi yo y amás llaveme too bien llaváu, llaveme les tetes y el coño y hasta la voluntá. ¡Presta abondo oyila!

Mieu de ver una patrulla policial parase delantre mio casa.
Mieu de quedame durmiu pela nueche.
Mieu de nun poder durmir.
Mieu de que el pasáu torne.
Mieu de que el presente tome vuelu.
Mieu del teléfonu que suena nel silenciu de la nueche muerta.
Mieu a les tormentes eléctriques.
Mieu a la muyer del serviciu que tien una cicatriz nel papu
Mieu a los perros anque me digan que nun muerden.
¡Mieu a l´ansiedá!
Mieu a tener que identificar el cuerpu d´un collaciu muertu.
Mieu a quedame ensin perres.
Mieu de tener muncho, anque seya dificil de creyer
Mieu a los perfiles psicolóxicos.
Mieu a llegar tarde y de llegar enantes que cualquiera.
Mieu a ver la escritura de los mios fios na tapa d´un sobre.
Mieu a velos morrer enantes que yo, y sentime culpable
Mieu a tener que vivir con mio ma durante la so vieyera y la mía.
Mieu a la confusión.
Mieu a que esti díi fine con una nota triste.
Miue a despertame y ver que colaste.
Mieu a nun amar y mieu a nun amar demasiáu
Mieu a que lo que ame sea malu pa los que yo amo.
Mieu a la muerte.
Mieu a vivir demasiáu tiempu
Mieu a la muerte.

Eso ya lo dixe