Richard Serra; Adentro/afuera/izquierda/derecha, 2001, 4 x 12 x 9 m (espiral externa) y 4 x 9 x 7.5 m (espiral interna).

Anque la sopresa esperiencial del minimalismu ye difícil de recuperar, la so provocación conceutual mantiense, pues el minimalismu rompe col espaciu trascendental del arte modernu (si non col espaciu inmanente del readymade dadaísta o relieve constructivista) El minimalismu nun sólo rechaza la base antropomórfica de la mayoría de la escultura tradicional (inda residual nos xestos de la obra astrautu-espresionista) sinon tamién na desubicación de la mayoría de la escultura astrauta. Nuna pallabra, col minimalismu la escultura dexa de tar apartada, nel pedestal o como arte puro, recolócase ente los obxetos y se redefínese en términos de llugar. Nesta tresformación el espectador, negáu el espaciu soberanu del arte formal, ye devueltu al equí y agora; envede escucar la superficie a fin d´establecer un mapa topográficu de les propiedaes del so mediu, a lo que se ve impulsáu ye a esplotar les consecuencies perceptuales d´una intervención particular nun llugar dau.

Esta ye la reorientación fundamental qu´el minimalismu inaugura.

"les obres minimalistes son lexibles como arte, como casi too anguaño incluies una puerta, una mesa o una fueya de papel en blancu"
(crítica al "reducionismu" minimalista fecha por Clement Greenberg)

"tenemos que producir música que seya como los muebles". John Cage

Fumo munchu. Demasiáu.
Fumo pa flotar el tiempu y a vegaes escuchu la radiu,
y escuchu pasar la vida como quien pon la radio.
Fumo munchu . Nel ceniceru hai idees y poemes y voces
d ´amigos que nun tengo.

Y tengo la boca enllena sangre,
y sangre que sal de les grietes del mio craniu

y tola mio alma sabe a sangre,
sangre fresco nun sé si de gochu o d´ home que soi,
en tola mio alma acuchillada por muyeres

y neños que muévense inxenuos, torpones,

nesta vida que ya sé.

Palpu el pechu de sópitu, nerviosu,
y nun siento un corazón.

Nun hai , nun esiste en naide esa cosa que llamen corazón
sinon quizá nel alcohol, nesa sangre que

yo bebo y que ye la sangre de Cristo,
la única sangre nesti mundu que nun esiste
que ye como´l mal programáu, o
como fábrica de vida o un sastre
qu´escaeció quién ye y sigue viviendo, o
quizá el reló y les hores pasen.
Pálpome, nerviosu, los güeyos y los pies

y el deu gordu la mano, métolu nel güeyu,

y toi suciu y la mio vida goliendo.
Y suañu que viví y que me llamo dalgún mou

y qu´este cuentu ye cierto,

esti absurdu que delaten los mios güeyos,
esti deliriu en Veracruz, y qu´esti país

ye cierto esti llugar paeciu a l´ Infiernu,
que llamen España, oyí a los muertos

que l ´Infiernu ye meyor qu´ esto y se parez más.
Me digo que soi Pessoa,

como Pessoa yera Álvaro de Campos,
me digo que tar borrachu ye nun talo,
tola la vida, ye tar borrachu de vida

y non de muerte, ye una sangre distinta d´ esa otra
espesa que cólase pelos teyaos

y peles muries y los furacos de la vida.
Y ye que nun hai otra comunión
nin otru espasmu que esti del vinu

y ningún otru sexu nin muyer
que ´l vasu d´ alcohol besándome los llabios
qu´esti vasu d´alcohol que llevo

nel cerebru, nos pies, na sangre.
Qu´esti vasu vinu escuro o blanco,
de xinebra o de ron o lo que seya
¿xinebra y cerveza, por exemplu?
que ye como l´ infancia,

y nun ye nin fuxida, nin evasión,

nin suañu, sinon la única vida real y tolo posible,

y garro otra vuelta la copa como´l cuellu la vida

y cuentu a dalgún ser que ye probable que té
ehí la vida los dioses
y unos díes soi Caín, y otros
un xugador de poker que bebe whisky perfeutamente y otros
un cazador de dotes que d´otra miente fuí

pero lo mio ye como en «Dulce páxaru de xuventú»
un cazador de dotes fermosu y alcohólicu, y otros díes,
un asesin vergonzosu y psicóticu y otros
alguién que morrió quién sabe cuándo, en qué ciudá,

ente mariñeros ebrios.

Dalgunos me recuerden, dicen
cola copa na mano, falando munchu,
falando pa poder esistir

de que nun hai na meyor que decise
a sí mesmu una proposición de Wittgenstein

mientres sube la marea del vinu na sangre y nel alma.
O bien alguién perdíu nes galeríes del espeyu buscando a la so Novia.

Y otres veces soi Abel que tien

un plan perfeutu para rescatar la vida

y restaurar a los homes
y tamién delles veces lloro por nun ser

un esclavu negru nel sur, llorando
ente les plantaciones

Ye tan guapa la ruina, tan fonda,

sé tolos sos colores

y ye como una sinfonía la música del acabamientu,
como música que toquen nel más allá,
y ya nun tengo sangre nes venes, sinon alcohol,
tengo sangre nos güeyos de borrachu

y nel alma invadía de sangre como d´ una vomitona,
y vomito el alma peles mañanes,
depués de pasar tola nueche xurando
delantre d´ una muñeca goma que esiste Dios.
Escribir n´ España nun ye llorar, ye beber,
ye beber la rabia del que nun se resigna
a morrer nes esquines, ye beber y mal
decir, blasfemar escontra España
escontra esti país ensin dioses pero con
estatues de dioses, ye beber na ilesia

con música de órganu

ye caese borrachu nos recitales

y manches de vinu tinto y sangre

«Le livre des masques» de Rémy de Gourmont
caese húmedo babeante y tontu

y derrumbase como un árbol ante los farolinos
d ´esta verbena cultural.

Escribir n´ España ye tener el borde na sangre

esti alcohol de llocura

que ya nun xustifica nada ni naide,

nenguna solombra de les qu´ellí había al principiu .
Y decir al morrer, cuando tenga
ya na boca y cabeza la baba´ l suicidiu

grita-y a les solombres, a les tantes que hai y pantasmes
n´esti paraísu pa espectros
y tamién a los ciervos que ví na viesca ,
y a los páxaros y a los llobos na calle y
acechando nes esquines
«Fifteen men on the Dead Man's Chest
Fifteen men on the Dead Man's Chest
Yahoo! And a bottle of rum!»

Andres Alonso Moutas / Leticia González

Güei nel Antiguu Institutu de Xixón a les seis y cuartu.

A fin d´entender el "quid" del minimalismu debemos re-situalo nel so propiu tiempu. Pa facelo podemos yuxtaponer el minimalismu y l´arte pop como respuestes afines al mesmu momentu na dialéctica de la modernidá y la cultura de mases. Nesta esplicación el minimalismu y el pop tan enfrentaos, por una parte, a les rarificaes belles artes de la tardo-modernidá y, por otra, a l´espectacular cultura del capitalismu avanzáu, y nun tarden en ser aplastaos por estes fuercies. El pop puede intentar usar la cultura de mases pa poner a prueba a les belles artes, pero el so efeutu dominante ye elevar lo inferior a lo superior, dos categoríes artístiques que siguen intactes. Y el minimalismu puede resistise tanto a les belles artes como a la cultura inferior a fin de recuperar l´autonomía transformatoria de la práutica estética, pero el so efeutu dominante ye permitir qu´esta autonomía se disperse por el campu espandíu de la actividad cultural. Nel casu del pop, pues, alcánzase la lexendaria integración ente les belles artes y la cutura inferior, pero principalmente nel interés de la industria cultural, pa la que, con Warhol, y otros, la vanguardia camudase en subcontratista y antagonísta. Nel casu del minimalismu, alcánzase la lexendaria autonomía del arte, pero principalmente pa ser corrompía, desfecha...

Hall Foster "El retorno de lo Real" Madrid, Akal, 2001

(...)El trampolín cederá y tú saldrás despidíu, y los güeyos de piel podrán cruciar a ciegues un cielu empañáu de ñubes, la lluz afuracada vaciarase tras esa piedra afilada que ye la eternidá. Que ye la eternidá. Pisa la piel y desaparez.

Hola.

 

David Foster Wallace